शेती बागा माडाची गं वाडी
नवरीला घुंगराची गाडी
जशी राजा रानीची गं जोडी
नवरीला चांदण्याची साडी

सुन्या सुन्या मनामध्ये सूर हलके
नव्या जुन्या आठवणी भास परके
दारी सनईचे सूर दाटे मनी हूर हूर
चाले विरहाचा पुढे वारसा हा

फुलमाळा मंडपाच्या दारी
झालरीना सुखाच्या किनारी
नवी नाती ओळखीची सारी
सपनांची दुनिया गं न्यारी

भावनेची तोरणे वेदनेच्या झालरी
नाद करिती चौघडे वाढते घुसमट उरी
ओळखीचे चेहरे मी अनामिक एकटी
संपले सारे दुवे अन आस ही सरली
गाव माझा दूर आला आसवांचा पूर
देव नव्याने का देई यातना

हळदीने सजली गं काया
सासरची मिळेल गं माया
वेड लावी धन्याची गं भेट
डोळ्यातल्या काजळाची तीट

तदेव लग्नं सुदिनं तदेव ताराबलं चंद्रबलं तदेव
विद्याबलं दैवबलं तदेव लक्ष्मीपतेः तेंघ्रिऽयुगं स्मरामि

आठवांचे कुंचले रेखिती काटे कुटे
कोरडे तळहात हे मेंदीची वर जळमटे
मोकळ्या माथ्यावरी देवळाची पायरी
फितूर झाली दैवते रीत ही कुठली
हे दैव मानी हार आली बंधनाला धार
भोवती निराशेचा उडे पाचोळा