दूरदेशी गेला बाबा, गेली कामावर आई

नीज दाटली डोळ्यांत तरी घरी कुणी नाही

कसा चिमणासा जीव, कसाबसा रमवला

चार भिंतीत धावून दिसभरं दमवला

आता पुरे, झोप सोन्या कुणी म्हणतच नाही

नीज दाटली डोळ्यांत तरी घरी कुणी नाही

कशासाठी कोण जाणे देती शाळेमध्ये सुट्टी

कोणी बोलायाला नाही, कशी व्हावी कट्टी-बट्टी

खेळ ठेवले मांडून परि खेळगडी नाही

नीज दाटली डोळ्यांत तरी घरी कुणी नाही

दिसे खिडकीमधून जग सारे, दिशा दाही

दार उघडून परि तिथे धावायचे नाही

फार वाटे जावे परि मुठीमध्ये बोट नाही

नीज दाटली डोळ्यांत तरी घरी कुणी नाही

Duradeshi gela baaba, geli kaamaawar ai

Nij daatali dolyaant tari ghari kuni naahi

Kasa chimanaasa jiw, kasaabasa ramawala

Chaar bhintit dhaawun disabharn damawala

Ata pure, jhop sonya kuni mhanatach naahi

Nij daatali dolyaant tari ghari kuni naahi

Kashaasaathhi kon jaane deti shaalemadhye sutti

Koni bolaayaala naahi, kashi whaawi katti-batti

Khel thhewale maandun pari khelagadi naahi

Nij daatali dolyaant tari ghari kuni naahi

Dise khidakimadhun jag saare, disha daahi

Daar ughadun pari tithe dhaawaayache naahi

Faar waate jaawe pari muthhimadhye bot naahi

Nij daatali dolyaant tari ghari kuni naahi